काठमाडौं महानगरपालिकाले ट्राफिक जाम नियन्त्रणका लागि ‘स्मार्ट ट्राफिक सिग्नल’ प्रणाली परीक्षण सुरु गरेको छ।
यस प्रणालीले सिसिटिभी र सेन्सरमार्फत ट्राफिक घनत्व पत्ता लगाएर सिग्नललाई स्वतः नियन्त्रण गर्छ।
सुरुवाती चरणमा नयाँ बानेश्वर, त्रिपुरेश्वर र सिंहदरबार चोकमा प्रणाली जडान गरिएको छ।
ट्राफिक प्रहरी प्रमुखका अनुसार, “यसले काठमाडौँमा जाम ३० प्रतिशतले घटाउने अपेक्षा गरिएको छ।”